An balay ha iskina

le-an lai lacaba
For the English Version, click here.

An balay didto han iskina
Nga mas magurang pa nak inay
Nga meada mga orchid
Ngan groto ni mama mary

Kun ngain duru nak dalagan
Kun ngain ak nakigtago-taguan
Kun ngain ak dumako

Di nak nakilala

An balay didto han iskina
Nga meada tindahan ha atubangan
An meada ngani tulo nga hagtaas nga puno?

Didto han gawas
Mahilig ak didto magminulay

Binantayan ko pa ngani adto nga tindahan
Gin kinawat ko adto an mga tsokoleyt
Basta dire la makit-an ni lola

Di nak nakilala

An balay didto han iskina
Kun ngain an ak pamilya pirme naguurusa
Kada pasko
Kada bag.o nag tu-ig
Ngan kada meada birthday
Bisan kasal

Dagko nga mga tawa
Busog an mga tiyan
Mga gudti nag tiil nagaaringasa ha igbaw

Di nak nakilala

An balay didto han iskina
nga yana waray na
Nga gin anod
Nga naguba
Tungod la han usa nga bagyo

Gin anod gihap nak kabata
An lugar nga akon gin dako-an

Di nak nakilala
Han balay didto han iskina

It's only fair to share when you found something amazing right?Share on FacebookTweet about this on TwitterPin on PinterestShare on Google+Share on StumbleUponShare on Reddit

Comments

comments

Leave a Reply